Samstillt átak þarf til að bæta ímynd Íslands

Ímynd Íslands er ekki nægjanlega sterk. Þetta er niðurstaða rannsóknar sem gerð var í 35 löndum meðal hátt í 30 þúsund manna og kynnt var á Viðskiptaþingi 2007 í dag. Ísland varð í 19. sæti meðal þeirra 38 landa sem rannsökuð voru. Þeir þættir sem eru skoðaðir eru útflutningur, stjórnhættir, menning og saga, fólkið, ferðamennska og innflutningur fólks og fjárfestingar.

Simon Anholt, sem framkvæmdi rannsóknina, sagði í ræðu sinni á Viðskiptaþingi að þetta væri ekki til marks um að ímynd Íslands væri neikvæð heldur fremur að fólk hefði litla eða enga ímynd af landinu. Hann er einn helsti sérfæðingur heims á þessu sviði og hefur unnið fyrir fjölmörg ríki, m.a. Bretland sem kemur best út úr könnuninni. Hann hefur stýrt sameiginlegri vinnu ríkisstjórnarinnar og Viðskiptaráðs Íslands um þessi mál síðastliðna mánuði.

Simon hefur mikla trú á getu Íslands til að skara frammúr nú á tímum alþjóðvæðingar.  Hann segir nauðsynlegt að halda vinnu við ímynd Íslands áfram og að stjórnvöld og atvinnulíf eigi að koma sameiginlega að því verkefni.  Hann kallar Íslendinga “Latino-Nordics” og lýsir okkur sem einkennilegri blöndu af norrænni virðingu fyrir skilvirkni, sanngirni og hæfni í bland við miðjarðarhafseldmóð og hlýju.

Glærur Simons

Tengt efni

Minni samkeppni ekki lausn á vanda landbúnaðarins

Kjöt og ostar, bæði innlendir og innfluttir, eiga það sameiginlegt að vera vörur ...
10. des 2020

Hálendisþjóðgarður þarfnast betri undirbúnings

Viðskiptaráð getur ekki stutt Hálendisþjóðagarð í óbreyttri mynd og leggur til ...
3. feb 2021

Fyrsta bylgjan lendir á utanríkisverslun

Veruleg lækkun varð milli ára í öllum liðum vöruskipta við útlönd frá 16. mars. ...
6. maí 2020