Aðalfundur ráðsins var haldinn í Norrænahúsinu í gær. Að loknum hefðbundum aðalfundarstörfum ávörpuðu sendiherra Dana á Islandi Lasse Reiman og Einar Már Guðmundsson rithöfundur fundinn.
Einar fór yfir útgáfuferil sinn í Danmörku sem staðið hefur lengi, eða frá árinu 1981. Hann sagði það góða hugmynd að tengja saman menningar og viðskiptalífið. Sérsakt væri hversu duglegir Danir væru að þýða ljóð, en bækur Einars koma jafna fyrst út á dönsku á eftir íslensku. Að auki sagði Einar lítillega frá nýjustu bók sinni, Rimlum hugans, og las stuttan kafla.
Lasse Reiman þakkaði gott samstarf við Dansk-íslenska viðskiptaráðið og ræddi samskipti þjóðanna á árinu sem er að líða. Hann lýsti ánægju með þróun þeirra samskipta sem færu sívaxandi á nánast öllum sviðum. Hann nefndi sem dæmi um þetta að Íslendingar væru þeir gestir í Danmörku sem versluðu mest. Hann nefndi meðal annars að Samkvæmt upplýsingum frá Kastrup fá Íslendingar 25% alls þess virðisaukaskatts sem endurgreiddur er á ári hverju. Sú staðreynd sýndi umsvif þeirra á einkar skýran hátt.