Stýrivaxtahækkun

Seðlabankinn hækkaði stýrivexti um 600 punkta í dag og eru þeir nú 18%. Vextir bankans hafa ekki verið hærri siðan verðbólgumarkmið var tekið upp árið 2001. Vaxtahækkunin er að kröfu Alþjóðagjaldeyrissjóðsins og er markmið hennar fyrst og fremst að styðja við gengi íslensku krónunnar. Verðbólga á Íslandi er í hæstu gildum sem sést hafa í um tuttugu ár og ljóst að gengisveiking síðustu vikna setur enn frekari þrýsting í átt til meiri verðbólgu. Hærri vextir og aðkoma Alþjóðagjaldeyrissjóðsins verður þó vonandi til þess draga úr þrýstingi til frekari gengisveikingar. Engu að síður er ljóst að 18% stýrivextir koma harkalega niður á íslenskum almenningi og fyrirtækjum og því afar brýnt að vextir verði lækkaðir aftur um leið og aðstæður leyfa.

Eins og Viðskiptaráð hefur áður bent á er ekki um eftirspurnarspennu að ræða í hagkerfinu og því má ætla að vaxtahækkun Seðlabankans sé liður í að koma jafnvægi á gjaldeyrismarkaðinn. Í ljósi þess má búast við að hún verði til frekar skamms tíma og er gert ráð fyrir örri lækkun vaxta þegar hagkerfið endurheimtir trúverðugleika. Í þeirri viðleitni þarf að skoða allar leiðir með opnum hug. Mikilvægt er að þegar eigi sér stað endurskoðun á peningamálastefnunni, sem boðuð var á ársfundi Seðlabanka í mars síðastliðnum, og nauðsynlegt í því sambandi að sem fyrst náist niðurstaða um stefnu í Evrópumálum sem Þorgerður Katrín Gunnarsdóttir, varaformaður Sjálfstæðisflokksins, kallar eftir í Morgunblaðinu í dag.

Tilkynningu Seðlabankans má lesa hér.

Tengt efni

Umsagnir

Góðar aðgerðir sem duga skammt

Viðskiptaráð fagnar þeim aðgerðum sem kynntar hafa verið vegna kórónuveirunnar ...
24. mar 2020
Greinar

Það sem vinnur með okkur

Vaxtamunur er nálægt lægstu gildum síðustu 16 ár, einkum til skamms tíma og ...
3. apr 2020
Fréttir

Vaxtalækkun Seðlabanka

Seðlabanki Íslands lækkaði stýrivexti um 350 punkta í morgun og standa þeir nú í ...
15. okt 2008