Aukin fjölbreytni í atvinnulífinu

Viðskiptaráðs Íslands, FKA-Félag kvenna í atvinnurekstri og Samtök atvinnulífsins telja nauðsynlegt að efla hlut kvenna í stjórnum íslensks atvinnulífs enda verður íslenska þjóðin að nýta mannauð sinn til fulls. Á næstu fjórum árum munu þessir aðilar hvetja til þess og leggja ríka áherslu á að konum í forystusveit íslensks viðskiptalífs verði fjölgað þannig að hlutfall hvors kyns verði ekki undir 40% í lok árs 2013. Með þessu tekur viðskiptalífið sjálft ábyrgð og forystu í þessu brýna hagsmunamáli.

Skrifað verður undir samstarfssamning þessara aðila í dag kl. 17 í Rúgbrauðsgerðinni (á 3. hæð) um leiðir að þessu marki. Fulltrúar stjórnmálaflokka á Alþingi styðja samninginn og munu jafnframt skrifa undir. Á 10 ára-afmælismálþingi FKA sem hefst í dag kl. 16 í Rúgbrauðsgerðinni mun Creditinfo kynna niðurstöður nýrrar og ítarlegrar rannsóknar á hlutdeild kvenna í íslensku atvinnulífi.

Tengt efni

Bæta þarf úr annmörkum og leggja mat á áhrif

Umsögn Viðskiptaráðs, SA og SI um frumvarp til laga um breytingu á ýmsum lögum ...
24. mar 2022

Já, það þarf að segja þetta. Oft.

Svanhildur Hólm skrifar um úttekt Viðskiptaráðs á umsvifum hins opinbera í ...
2. des 2021

Alvarlegar athugasemdir við frumvarp til laga um breytingar á fjarskiptalögum

Samtök atvinnulífsins, Samtök iðnaðarins og Viðskiptaráð Íslands hvetja til þess ...
21. des 2021