Evra myndi auðvelda afnám hafta

Ákvörðun um upptöku evru í gegnum evrópskt myntsamstarf felur í sér heppilegra umhverfi til losunar hafta með auknum stöðugleika og þrótti íslensks atvinnulífs, hvort sem losun hafta verður hröð eða hæg. Jafnframt virðist auðveldara að losa fjármagnshöftin hratt með upptöku evru í farvatninu og efnahagssveiflur við hraða losun verða minni.

Þetta er niðurstaða nýrrar sviðsmyndagreiningar KPMG sem unnin var að beiðni Alþýðusambands Íslands, Félags atvinnurekenda, Samtaka atvinnulífsins og Viðskiptaráðs Íslands. Skýrslan var kynnt opinberlega á morgunverðarfundi á skrifstofum KPMG í Borgartúni í morgun.

Í sviðsmyndagreiningunni kom einnig fram að óvissan um framtíðaráform um losun hafta hefur neikvæð áhrif á viðskiptalífið. Trúverðug áætlun um losun hafta sé því mikilvæg fyrir tiltrú fyrirtækja og framtíðarsýn. Slík áætlun myndi þannig auðvelda fyrirtækjum áætlanagerð og ákvarðanatöku og birtast í aukinni innlendri fjárfestingu, minna brotthvarfi og aukinni nýliðun fyrirtækja.

Greiningu KPMG má nálgast í rafrænni útgáfu á vefsíðu fyrirtækisins.

Einnig er hægt að nálgast prentaða útgáfu á skrifstofu Viðskiptaráðs.

Tengt efni

Mikilvægt að taka tillit til fleiri þátta við mat á sóttvarnaaðgerðum

Umsögn Viðskiptaráðs um frumvarp til sóttvarnalaga (mál nr. 498)
2. jún 2022

Stígum skrefið til fulls - öllum til hagsbóta

Umsögn Viðskiptaráðs um frumvarp til laga um leigubifreiðaakstur (mál nr. 470)
2. jún 2022

Þess vegna á að selja hlut í Íslandsbanka

Áhætta, mikill fórnarkostnaður og vaxandi samkeppni eru meðal ástæðna fyrir því ...
22. jan 2021