Úrslit International Chamber Cup golfmótsins

Alþjóðlegt golfmót Viðskiptaráðs og millilandaráðanna fór fram í gær í blíðskaparviðri á Korpúlfsstaðavelli. Í liðakeppni mótsins, Chamber Cup, var keppt um forláta farandbikar og var það lið Spænsk-íslenska viðskiptaráðsins sem hafði sigur eftir jafna og harða baráttu.

Á myndinni hér til hægri má sjá sigurvegara í liðakeppni. Þeir eru (frá vinstri); Erlendur Gíslason, Patrick Ramette, Ljósbrá Baldursdóttir og Ásbjörn Björnsson.

Í punktakeppni einstaklinga bar Ljósbrá Baldursdóttir sigur úr býtum með 39 punkta. Jónas Sigurðsson varð í öðru sæti með 37 punkta og í því þriðja varð Cameron Munden með 36 punkta. Helgi Anton Eiríksson sigraði keppni í höggleik en hann lék á 79 höggum. Einnig voru veitt nándarverðlaun á þremur par 3 holum og verðlaun fyrir bestu nýtingu.

Sérstakar þakkir fá eftirtalin fyrirtæki sem studdu við mótið:

Eimskip, Fastus, Icelandair, Íslandsbanki, Landsbankinn, Nathan & Olsen, sendiráð Bretlands, sendiráð Svíþjóðar, sendiráð Þýskalands, Síminn og Ölgerðin.

Myndaalbúm mótsins er aðgengilegt á Flickr-síðu Viðskiptaráðs.

Tengt efni

Í minningu Davíðs Scheving Thorsteinssonar

Davíð fæddist 4. janúar 1930 og lést 8. apríl 2022.
25. apr 2022

Ný stjórn Viðskiptaráðs Íslands

Úrslit formanns- og stjórnarkjörs fyrir tímabilið 2022-2024 voru kynnt á ...
10. feb 2022

Skilvirkni og hagkvæmni til lausnar á vanda heilbrigðiskerfisins

Það er mat Viðskiptaráðs að leggja skuli áherslu á að auka hagkvæmni og ...
3. sep 2021