Meiri kröfur um upplýsingar í lyfjaauglýsingum hérlendis

Viðskiptaráð hefur skilað inn umsögn til velferðarráðuneytisins vegna draga að reglugerð um lyfjaauglýsingar. Með reglugerðinni er meðal annars brugðist við þeirri breytingu á lyfjalögum sem tók gildi 1. nóvember sl. og heimilar auglýsingar lausasölulyfja í sjónvarpi.

Umsögnina má í heild sinni nálgast hér

Í umsögninni kemur m.a. eftirfarandi fram:

  • Í drögum að nýrri reglugerð um lyfjaauglýsingar eru gerðar mun umfangsmeiri kröfur um upplýsingar í lyfjaauglýsingum en samkvæmt tilskipuninni sem reglurnar byggja á.
  • Að mati Viðskiptaráðs er í flestum tilfellum nægjanlegt að í auglýsingu komi fram tilvísun í lyfseðil sem fylgir viðkomandi lyfi.
  • Viðskiptaráð telur rétt að tekið sé tillit til þess á hvaða miðli er auglýst. Óraunhæft er að koma að þeim upplýsingum sem gerð er krafa um í auglýsingum í sjónvarpi og útvarpi.

Viðskiptaráð leggst gegn því að hér á landi verði settar reglur sem eru meira íþyngjandi en nauðsynlegt er til að uppfylla alþjóðlegar skuldbindingar Íslands.

Tengt efni

6. útgáfa leiðbeininga um stjórnarhætti fyrirtækja

Útgáfuviðburður vegna útgáfu uppfærðra leiðbeininga um stjórnarhætti fyrirtækja ...
1. feb 2021

Skerðir ákvörðunarrétt sjúklinga

Breytingarnar girða fyrir rafrænar lausnir á sviði lyfjasölu sem hindrar ...
21. jún 2021

Ráðast þarf á rót vandans á íslenskum fjölmiðlamarkaði

Það er ekki aðeins á auglýsingamarkaði sem samkeppnisstaða RÚV hefur áhrif
5. feb 2021