Lagafrumvarp um aðgerðir til að draga úr reglubyrði atvinnulífsins og efla samkeppni

Viðskiptaráð Íslands hefur sent inn umsögn til stjórnskipunar- og eftirlitsnefndar Alþingis um frumvarp til laga um aðgerðir til að draga úr reglubyrði atvinnulífsins og efla samkeppni (158. mál). Viðskiptaráð leggur til að frumvarpið nái fram að ganga.

Viðskiptaráð fagnar frumvarpi þessu enda felst í því áframhald á annars ágætri vinnu innan stjórnarráðsins síðustu ár. Frá því lög um opinberar eftirlitsreglur voru sett árið 1999 hefur verið ráðist í margs konar umbótavinnu. Má þar nefna átakið Einfaldara Ísland en á grunni þess var t.a.m. gátlisti fyrir frumvörp tekinn í gagnið til að vanda betur undirbúning þeirra, sérstök handbók gefin út um frumvarpasmíð og ráðuneytin settu sér einföldunaráætlanir fyrir gildandi regluverk.

Í þessari vinnu var mið tekið af vinnu í öðrum löndum s.s. í Bretlandi, Danmörku og Þýskalandi auk verkefna á vegum ESB og OECD. Þá hafa þjóðir á borð við Holland og Svíþjóð einnig lagt mikla áherslu á þennan málaflokk, með góðum árangri. Hvatinn að baki þessari stefnumótun er sá að einfalt og skilvirkt regluverk getur skilað miklum ábata s.s. fyrir starfsskilyrði atvinnulífs, atvinnusköpun, vernd grundvallarréttinda, skilvirka nýtingu auðlinda og frumkvöðlastarfsemi. Það kemur því vart á óvart að vinna af þessu tagi hafi almennt notið víðtæks stuðnings þvert á flokka í þessum löndum. 

Umsögnina má í heild sinni nálgast hér.

Tengt efni

Greinar

Hlutabætur í algjörri óvissu

Eftir að umræðan komst á flug um hverjir ættu rétt á úrræðinu eða ekki, hefur ...
19. maí 2020
Umsagnir

Breyting upplýsingalaga: gott markmið en íþyngjandi útfærsla

Viðskiptaráð hefur skilað inn umsögn til stjórnskipunar- og eftirlitsnefndar ...
26. okt 2015
Fréttir

Umsagnir Viðskiptaráðs á sumarþingi

Viðskiptaráð hefur skilað inn talsverðum fjölda umsagna við ýmis frumvörp sem ...
10. júl 2009