Grundvöllur fyrir einkarekinn grunnskóla?

Grunnskólar verða til umræðu á morgunfundi Verslunarráðs Íslands fimmtudaginn 1. júlí. Fjallað verður um raunhæfa möguleika einkaaðila á að koma að rekstri hefðbundins hverfisskóla á grunnskólastigi en athugun Verslunarráðs á rekstarkostnaði grunnskóla leiðir í ljós að mikið ósamræmi er á opinberum fjárframlögum með nemendum í einkaskólum annars vegar og skólum sveitarfélaga hins vegar. Í skoðun Verslunarráðs kom líka fram að heildargjöld eru að langstærstum hluta laun og launatengd gjöld, 90-93% en almennur rekstrarkostnaður 7-10%.

Verslunarráð fékk Auði Finnbogadóttur, MBA nema við HR, til að kanna fjárhagsgrundvöll fyrir nýjum, ímynduðu einkareknum hverfisskóla á höfuðborgarsvæðinu. Á fundinum verða niðurstöðurnar kynntar en jafnframt mun Þorbjörg Helga Vigfúsdóttir ráðgjafi menntamálaráðherra flytja framsögu og segja meðal annars frá starfi nefndar ráðuneytisins um stöðu einkarekinna grunnskóla.

Fundurinn, sem er öllum opinn, verður haldinn í fundarsal Verslunarráðs, 7. hæð Húss verslunarinnar og hefst kl. 8:30. Fyrirfram skráning er æskileg í síma 510 7100 eða með tölvupósti í fundir@vi.is.

Tengt efni

Fundur VÍ um einkarekna grunnskóla

Á fundi Verslunarráðs um fjárhagslegan grundvöll einkarekinna grunnskóla voru ...
1. júl 2004

Félögum Viðskiptaráðs fjölgar

Enn bætist í hóp þeirra fjölmörgu fyrirtækja sem eru félagar í Viðskiptaráði ...
22. jan 2010

Aðalfundur Ítalsk - íslenska Viðskiptaráðsins

Aðalfundur Ítalsk - íslenska Viðskiptaráðsins verður haldinn í Róm, föstudaginn ...
26. okt 2007