Ráðstefna FRÍS í París um endurreisn Íslands

Fransk-íslenska viðskiptaráðið (FRÍS) stendur fyrir ráðstefnu um endurreisn Íslands í París undir yfirskriftinni „Island - la renaissance“. Skráning hefur gengið afar vel, en í dag eru 170 gestir skráðir. Meðal ræðumanna eru Michel Rocard, fyrrverandi forsætisráðherra Frakklands og Ólafur Ragnar Grímsson, forseti Íslands. Ráðstefnan er haldin í samvinnu við Viðskiptaráð Parísar, sendirráð Frakklands á Íslandi, sendiráð Íslands í Frakklandi, Icelandair, Marel, Gibaud-Össur, Straum og Íslandsstofu.

Fransk Íslenska viðskiptaráðið var nýlega endurvakið og er þetta fyrsta ráðstefnan sem haldin er um íslensk efnahagsmál í París um árabil. Auk erinda um efnhagsmál, fjármál og orkumál verður boðið upp á pallborðsumræður þar sem þátt taka fulltrúar íslenskra fyrirtækja. Stjórnandi pallborðsumræðna verður Laurent Joffrin, ritstjóri Nouvel Observateur.

Fundarstjóri er Barði Jóhannsson, tónlistamaður, en ráðstefnan fer fram í húsakynnum Viðskiptaráðs Parísar (27 Avenue de Friedland, 75008 Paris) þann 28. febrúar kl.16.00- 20.00. Skráning fer fram hér. 

Dagskrá:

  • Pierre-Antoine Gailly, formaður Viðskiptaráðs Parísar
  • Baldvin Björn Haraldsson, formaður FRÍS
  • Michel Rocard, fyrrverandi forsætisráðherra Frakklands
  • Berglind Ásgeirsdóttir, sendiherra Íslands í Frakklandi
  • Ólafur Ragnar Grímsson, forseti Íslands
  • Már Guðmundsson, seðlabankastjóri
  • Ragna Árnadóttir, Landsvirkjun
  • Pétur Einarsson, Straumur

Hringborðsstjóri er Laurent Joffrin, ritstjóri Nouvel Observateur:

  • Sophie Froment, CCP
  • Helgi Már Björgvinsson, Icelandair
  • Anna Thrap-Olsen, Marel France
  • Frédéric Girard, Gibaud (Össur) France
  • Guðný Káradóttir, Íslandsstofa
  • Einar Hermannsonn, JC Decaux

Nánari upplysingar veitir Kristín S. Hjálmtýsdóttir.

Tengt efni

Umsagnir

Góðar aðgerðir sem duga skammt

Viðskiptaráð fagnar þeim aðgerðum sem kynntar hafa verið vegna kórónuveirunnar ...
24. mar 2020
Viðburðir

FRÍS: Ráðstefna um jarðvarma

Fimmtudaginn 16. april n.k. stendur FRÍS (fransk-íslenska viðskiptaráðið) fyrir ...
16. apr 2015
Viðburðir

Nýir tímar og tækifæri í Frakklandi

Þriðjudaginn 12. júní 2012 klukkan 8.15 - 10.00 stendur Fransk-íslenska ...
12. jún 2012