Árlegt golfmót Viðskiptaráðs og millilandaráða

 

Fimmtudaginn 29. ágúst verður hið árlega golfmót Viðskiptaráðs og millilandaráðanna, International Chamber Cup, haldið á golfvellinum Keili í Hafnarfirði, sem talinn er vera einn af betri golfvöllum landsins. Veðurspáin er góð og gert er ráð fyrir sól og blíðu.

Allir félagar Amerísk-, Dansk-, Færeysk-, Finnsk-, Fransk-, Þýsk-, Grænlensk-, Ítalsk-, Norsk-, Spænsk- og Sænsk-Íslenska Viðskiptaráðsins, ICC og Viðskiptaráðs Íslands eru velkomnir. Tilvalið er að nota daginn til að byggja upp tengslanet í góðum félagsskap.

Liðakeppni verður haldin samhliða hinu hefðbundna golfmóti. Einstaklingar sem vilja taka þátt skrá sig sem fulltrúa frá einu tilteknu viðskiptaráði. Athugið að það er ekkert hámark á því hversu margir geta leikið fyrir hvert ráð en lágmarkið eru þrír fulltrúar. Þrjú bestu skorin samkvæmt Stableford skorkerfinu (með forgjöf) telja fyrir hvert ráð. Það ráð sem hefur besta skorið vinnur og tekur með sér heim veglegan farandbikar. Þess má geta að Dansk-íslenska viðskiptaráðið hefur unnið tvö síðustu mót.

Félagar millilandaráðanna eru sérstaklega hvattir til að taka þátt til að tryggja nægilegan fjölda þáttakenda.

Um mótaröðina:

  • Stableford keppni með forgjöf
  • Einstaklingsverðlaun fyrir 1., 2., 3. og síðasta sæti
  • Chamber Cup liðaverðlaun (sjá að ofan)
  • Aukaverðlaun fyrir lægsta skorið í höggleik
  • Nándarverðlaun á öllum par 3 holum vallarins
  • Verðlaun fyrir bestu nýtnina á vellinum

Praktískir hlutir:

  • Fyrsti leikur hefst kl. 13:00
  • Seinasti leikur hefst kl. 14:30 (áætlun)
  • Matur í klúbbhúsinu hefst kl. 19:30
  • Verð fyrir golf og mat er 9.900 kr. á mann (5.000 kr. ef annað hvort er valið)

Frekari upplýsingar veitir Kristín S. Hjálmtýsdóttir, skráning fer fram hér. Athugið að skráningarfrestur er til og með 26. ágúst.

Tengt efni

Marel hlaut viðurkenningu fyrir sjálfbærniskýrslu ársins

Viðurkenning fyrir sjálfbærniskýrslu ársins var veitt í hádeginu við hátíðlega ...
8. jún 2023

Endurskoða þarf íþyngjandi ákvæði persónuverndarlaga

Umsögn Viðskiptaráðs, SA, SI, SFS, SVÞ, SAF, Samorku og SFF um frumvarp til laga ...
25. okt 2022

Skoða þarf fleiri hliðar á samkeppnisumhverfi íslenskra fjölmiðla

Umsögn Viðskiptaráðs um frumvarp til laga um breytingar á lögum um Ríkisútvarpið.
16. feb 2022