"Snyrtivörudeild ríkisins" - ríkið stækkar verslun sína í flugstöðinni

Nýlega stækkaði Fríhöfnin ehf. verslun sína í komusal flugstöðvarinnar úr 460m2 í 1000m2. Aðgengi viðskiptavina hefur verið bætt og vöruúrval aukið til mikilla muna. Slíkar breytingar eru af hinu góða en stóra vandamálið er að Fríhöfnin ehf. er alfarið í eigu íslenska ríkisins. Frá árinu 1958 hefur ríkið selt áfengi, tóbak og fleira til farþega. Árið 2005 hefur ríkið enn einkarétt á sölu á snyrtivörum, myndavélum, símum, tækjum, áfengi, erlendu sælgæti og tóbaki. Ýmsir þjónustuþættir í flugstöðinni eins og sala sportfatnaðar, gleraugna, úra, skartgripa, herra- og dömufatnaðar eru í höndum einkaaðila. Í forvali sem fram fór seinni hluta síðasta árs voru þessir þættir boðnir út en ekki þeir þættir sem ríkið selur. Ríkið ætti að bjóða alla þætti út og hætta afskiptum af verslunarrekstri í flugstöðinni. Um leið og verslunarrými flugstöðvarinnar er stækkað á að nýta tækifærið og færa reksturinn yfir til einkaaðila. Í gegnum tíðina hafa einkaaðilar sannað að þeir eru hæfari til að bjóða upp á betri þjónustu á hagkvæmara verði. Það er tímaskekkja að ríkið standi enn í sölu á snyrtivörum og öðrum varningi í flugstöðinni.

Sigþrúður Ármann
lögfræðingur hjá Verslunarráði Íslands.

Tengt efni

Staðreyndir

Sólin rís í austri og skattahækkanir eru fleiri en lækkanir

Um áramót voru gerðar 18 skattahækkanir og 6 skattalækkanir. Ný þrepaskipting ...
21. apr 2020
Umsagnir

Afnema þarf áfengiseinokun að fullu

Viðskiptaráð telur frumvarpið vera skref í rétta átt en að ganga þurfi mun ...
27. feb 2020
Fréttir

Einkaframtakið er drifkrafturinn á Suðurnesjum

Nýlega ályktuðu framsóknarmenn á Suðurnesjum um málflutning þeirra sem hafa ...
23. júl 2005