Viðbrögð ráðherra við tillögum Viðskiptaráðs

Erlendur Hjaltason afhenti Þorgerði Katrínu Gunnarsdóttur menntamálaráðherra, Árna M. Mathiesen fjármálaráðherra og Björgvini G. Sigurðssyni viðskiptaráðherra afmælisskýrslu ráðsins, 90 tillögur að bættri samkeppnishæfni Íslands, fyrir hönd ríkisstjórnarinnar. Eftir að hafa veitt skýrslunni viðtöku fjölluðu ráðherrarnir um álit sitt á tillögunum.

Þorgerður Katrín Gunnarsdóttir, menntamálaráðherra, sagði að henni litist vel á tillögur ráðsins sem kynntar voru á fundinum. Þær væru oft djarfar en um leið mikilvægar inn í umræðuna. Hún sagðist telja að Ísland væri vel í stakk búið í samkeppni á sviði háskólamenntunar á alþjóðavísu.

Björgvin G. Sigurðsson, viðskiptaráðherra sagðist fagna mörgum af tillögum Viðskiptaráðs og þær eigi klárlega eftir að auka samkeppnishæfi Íslands. Að sögn Björgvins er flatur skattur það sem við eigum að stefna að. Það sé það besta fyrir bæði einstaklinga og fyrirtæki. Björgvin sagðist taka undir það með Viðskiptaráði að Evrópumálin og gjaldmiðilsmálin séu afar brýn málefni.

Árni M. Mathiesen, fjármálaráðherra, leist vel á tillögur Viðskiptaráðs og þá sérstaklega í skattamálum og lífeyrismálum. Hins vegar segist hann vera á móti ívilnunum líkt og lagt sé til í skattahluta tillagna Viðskiptaráðs. Einfalda eigi hlutina. En þó að Árni líki vel við skattahlutann þá er eitt sem stóð uppúr að hans sögn. Það er tillaga um að útgjöld ríkisins sem hlutfall af landsframleiðslu um fimmtung. Árni segist telja að það eigi að vera mögulegt. Viðskiptalífið hafi sýnt það og sannað að slíkt eigi að vera framkvæmanlegt.

Viðskiptaráð þakkar ráðherrum kærlega fyrir þeirra innlegg á afmælisfundi ráðsins.

Tengt efni

Fréttir

Skýrsla Krónunnar samfélagsskýrsla ársins

Samfélagsskýrsla Krónunnar stóð upp úr í hópi nítján tilnefndra skýrslna
10. jún 2020
Fréttir

Viðskiptaráð verðlaunar útskriftarnema við HR

Viðskiptaráð Íslands hefur í gegnum tíðina verðlaunað framúrskarandi nemendur ...
7. feb 2020
Fréttir

Mannabreytingar hjá Viðskiptaráði

Konráð S. Guðjónsson verður aðstoðarframkvæmdastjóri og Steinar Þór Ólafsson er ...
30. jún 2020