Ljóst er að staða íslenskra efnahagsmála vekur athygli víða um heim. Fjölmargir erlendir aðilar hafa sett sig í samband við innlend fyrirtæki með spurningar sem lúta að stöðu mála á Íslandi. Margir átta sig illa á stöðunni og óvissan er mikil.
Viðskiptaráð hefur því útbúið skjal sem aðildarfélög geta notfært sér við að útskýra stöðu mála á íslandi gagnvart erlendum hagsmunaaðilum. Í skjalinu er farið stuttlega yfir aðdraganda efnahagsvanda Íslands, stöðuna eins og hún er í dag, aðgerðir og viðbrögð stjórnvalda og líklegar afleiðingar. Vonast er til þess að skjal þetta liðki fyrir samskiptum við erlenda aðila og hjálpi til við að varðveita viðskiptasambönd og velvild í garð Íslendinga.
Skjalið er á ensku og það má nálgast hér.