Viðskiptaráð ÍslandsVeistu hvernig skattkerfið er á Íslandi?
Björn Brynjúlfur Björnsson, hagfræðingur Viðskiptaráðs , var gestur í Bítinu í morgun og ræddi um skattkerfið á Íslandi. Í viðtalinu kom fram að tekjur hins opinbera skiptist í skatta á vinnu, neyslu og fjármagn. Þessar þrjár tegundir skatta myndi stærstan hluta tekna ríkissjóðs og sveitarfélaga.
Í umræðu um skattkerfið sagði Björn að það geti reynst erfitt fyrir marga að gera sér grein fyrir því hversu háar skattgreiðslur þeirra séu. Betra sé að skattkerfi séu gagnsæ þannig að fólk átti sig á því hvað sé verið að greiða. Björn benti á að á launaseðlum einstaklinga komi ekki fram hversu mikið sé greitt í útsvar til sveitarfélaga. Flest séu sveitarfélögin með útsvarið í hámarki og það geti hugsanlega orsakast af því að launþegar taki ekki eftir því hversu mikið er dregið af þeim mánaðarlega.
Björn ræddi einnig um neysluskatta, möguleg áhrif lækkunar persónuafsláttar og prósentuhlutfall fjármagnsskatta.