Úrslit í Verkkeppni Viðskiptaráðs 2017

Helgina 15.-17. september fór Verkkeppni Viðskiptaráðs fram í fyrsta skiptið. Samtals 50 keppendur kepptust sín á milli í 11 liðum um að svara spurningunni "Hvernig verður Ísland tæknivæddasta þjóð í heimi árið 2030". Liðin kynntu tillögur sínar á sunnudeginum fyrir dómnefnd og voru kynningarnar eins fjölbreyttar og þær voru margar. Sem dæmi má nefna hugmyndir um "íslenska skýið", breytingu á styrkjafyrirkomulagi í landbúnaði, forrit til að hjálpa við tungumálakennslu, byggingu svokallaðra "þythylkja"og samstarf hins opinbera og einkageirans í nýsköpunarsjóðnum JAKA.

Þeir Daníel Alexandersson, Viðar Róbertsson, Davíð Þór Jónsson, Alexander Jósep Blöndal og Vilhjálmur Pálmason báru sigur úr býtum með hugmynd sinni um byltingu í heilbrigðiskerfinu með nýtingu gervigreindar. Úrslit voru kunngerð og verðlaun afhent af menntamálaráðherra á afmælishátíð Viðskiptaráðs í Háskólabíói 21. september síðastliðinn.

Sigurliðið fær að launum ferð til Sílikondalsins á næstu vikum í för með Ástu S. Fjeldsted, framkvæmdastjóra Viðskiptaráðs. Þar heimsækir hópurinn fyrirtæki á borði við Facebook, Google, Uber, NASA og Tesla. Við vonum að hópurinn njóti ferðarinnar og óskum þeim um leið hjartanlega til hamingju með sigurinn.

Tengt efni

Fréttir

Sigurvegarar í Verkkeppni VÍ hyggjast umbylta aðgengi að námsefni

Verkefnið Skilvirkt lærdómssamfélag bar sigur úr býtum í Verkkeppni ...
16. okt 2018
Fréttir

Verkkeppni: Milljón tonna áskorunin

Opnað hefur verið fyrir umsóknir í Verkkeppni Viðskiptaráð helgina 4. - 6. ...
17. sep 2019
Fréttir

Sigurvegarar Verkkeppni Viðskiptaráðs á ferð og flugi

Sigurvegarar Verkkeppni Viðskiptaráðs hafa haft í nógu að snúast frá því ...
20. nóv 2017