Fjallað um samkeppnishæfni krónunnar

Fjallað var um stöðu krónunnar í ljósi hugsanlegrar samkeppni við aðra gjaldmiðla hér á landi á hádegisverðarfundi Verslunarráðs í dag. Framsögu fluttu Vilhjálmur Egilsson ráðuneytisstjóri í Sjávarútvegsráðuneyti, áður framkvæmdastjóri Verslunarráðs, og Tryggvi Þór Herbertsson forstöðumaður Hagfræðistofnunar HÍ.

Vilhjálmur hóf mál sitt á að fjalla almennt um stöðu krónunnar frá 9. áratuginum fram til dagsins í dag og áhrif hennar á hagstjórnina þennan tíma. Þá vék hann að hagstjórnartækjum og áhrifum þeirra í margvíslegum hagkerfum. Að mati Vilhjálms er mest um vert að hér á landi sé hagstjórn með þeim hætti að áhættutaka sé möguleg með sem minnstum tilkostnaði.

Í erindi sínu minnti Tryggvi á umræður sem hafa átt sér stað frá árinu 2000 þegar krónan fór að styrkjast verulega. Þá vildu sumir halda því fram að æskilegra væri að vera með evru hér á landi. Í erindi sínu benti Tryggvi á að gengisbreytingar milli evru og dals hefðu verið svipaðar á sama tímabili. Fyrirtæki sem stundar útflutning í dölum hefði því eftir sem áður þurft að þola gengisáhættu. Tryggvi lagði á það áherslu að allir gjaldmiðlar fælu í sér gengisáhættu sín á milli.

Að framsögum loknum drap Már Guðmundsson aðalhagfræðingur Seðlabankans á nokkrum atriðum í tengslum við efnið.

Glærur ræðumanna má finna hér.
Vilhjálmur Egilsson
Tryggvi Þór Herbertsson
Már Guðmundsson

Tengt efni

Er krónan nógu sterk til að vera sterk?

Hagsmunir allra eru að koma í veg fyrir ofris krónunnar sem leiðir til ...
9. jún 2021

Hálendisþjóðgarður þarfnast betri undirbúnings

Viðskiptaráð getur ekki stutt Hálendisþjóðagarð í óbreyttri mynd og leggur til ...
3. feb 2021

Tökum til í regluverkinu

Á nýlegum fundi Viðskiptaráðs um fjármálakerfið fjallaði fyrrverandi bankastjóri ...
24. okt 2013