Félag kvenna í atvinnurekstri (FKA) veitti þremur konum viðurkenningar í dag. Halla Tómasdóttir, framkvæmdastjóri Viðskiptaráðs Íslands, hlaut aðalverðlaun félagsins fyrir framúrskarandi frammistöðu í viðskiptum og atvinnurekstri.
Guðbjörg Glóð Logadóttir, stofnandi og eigandi Fylgifiska, fékk hvatningarverðlaun fyrir áhugavert frumkvöðlastarf og Guðrún Erlendsdóttir, fyrrverandi forseti Hæstaréttar, hlaut þakkarverðlaun fyrir áhugvert ævistarf. Það voru Jón Sigurðsson viðskiptaráðherra og Birna Einarsdóttir framkvæmdastjóri hjá Glitni sem afhentu verðlaunin.