Um greiðslumiðlun og gjaldeyri

Unnið er að því að koma á greiðslumiðlun með erlendan gjaldmiðla.  Seðlabankinn hefur gefið frá sér tilkynningu um “tímabundna temprun á útflæði gjaldeyris” sem sjá má hér: http://www.sedlabanki.is/lisalib/getfile.aspx?itemid=6491, en um er að ræða gjaldeyrishöft sem brýnt er að látið verði af sem fyrst.  Samkvæmt upplýsingum frá Seðlabanka eru fyrirtæki beðin um að beina fyrirspurnum um gjaldeyriskaup til viðskiptabanka og sparisjóða viðkomandi fyrirtækis. 

Eftir því sem næst verður komist er greiðslumiðlun komin í sæmilegt horf hjá Nýja Landsbanka og gert er ráð fyrir að Nýi Glitnir og Kaupþing komist af stað í dag eða á morgun.  Þar fer greiðslumiðlum fram í gegnum kerfi Seðlabanka.  Samkvæmt upplýsingum frá Icebank er greiðslumiðlun þar í lagi, en nánari upplýsingar má fá í síma 540 4030.  Rétt er að taka það fram að Icebank virðist eini einkarekni bankinn á Íslandi sem í dag getur sinnt þessari þjónustu. 
Í þeirra miklu breytinga sem átt hafa sér stað á fjármálamarkaði undanfarna daga er rétt að árétta mikilvægi þess að gætt sé að því að viðhalda samkeppni á fjármálamarkaði í þeirri framtíðarlausn sem stjórnvöld skipuleggja nú.

Nánari upplýsingar verða birtar á heimasíðu Viðskiptaráðs þegar þær berast.

Tengt efni

Verðmætasköpun er forsenda velferðar

Áherslur Viðskiptaráðs Íslands fyrir alþingiskosningar 2021
15. sep 2021

Er krónan nógu sterk til að vera sterk?

Hagsmunir allra eru að koma í veg fyrir ofris krónunnar sem leiðir til ...
9. jún 2021

Lykillinn að íslensku samfélagi

Það er ekki nóg að bjóða erlendum sérfræðingum vinnu, það þarf líka að bjóða ...
9. jún 2021