Fimmtudaginn 16. april n.k. stendur FRÍS (fransk-íslenska viðskiptaráðið) fyrir ráðstefnu um jarðvarma í glæsilegum húsakynnum Viðskiptaráðs Parísar (CCIP) á Avenue Friedland.
Ráðstefnan er haldin í samvinnu við sendiráð Íslands í Frakklandi, sendiráð Frakklands á Íslandi og viðskiptaráð Parísar.
Heiðursgestir á ráðstefnunni verða Ólafur Ragnar Grímsson, forseti Íslands, Ragnheiður Elín Árnadóttir, ráðherra atvinnuvega- og nýsköpunarmála og Laurent Fabius, utanríkisráðherra Frakklands (tbc).
Í pallborði munu taka þátt fulltrúar frá Landsvirkjun, Iceland Geothermal Cluster, Reykjavik Geothermal og franska jarðvarmaklasanum (GEODEEP), svo og fulltrúar stærstu orkufyrirtækja Frakklands.