Norsk-íslenska viðskiptaráðið stendur fyrir síðdegisfundi í Osló, fimmtudaginn 26. nóvember nk. Heiðursgestur fundarins er Ragnheiður Elín Árnadóttir, iðnaðar- og viðskiptaráðherra.
Birkir Hólm Guðnason, framkvæmdastjóri Icelandair, og Bente A. Landsnes, forstjóri norsku Kauphallarinnar, flytja erindi en auk þeirra mun Arne Hjeltnes, ráðgjafi, sjónvarpsmaður og bókaútgefandi, tala. Þess má geta að Arne var með erindi á fundi ráðsins í upphafi árs í Reykjavik.